© Գորշ
25 апр. 2024 г.
248/անտիպ
Վաճառականության հանդեպ խորքային հակակրանքով պայմանավորված` իմ խիղճը հաղորդակից է միայն ցավին, որը հնարավոր չէ վերածել բառի։
19 апр. 2024 г.
247/անտիպ
Վկաներն են կանխորոշում ով լինելը։
Նա, ով հաջողացրել է մտածողությունն ազատել բոլոր վկաներից, չի կամենա լինել այլ մեկը, քան ոչինչն է, քանզի չի ցանկանա նվազը, քան ամենն է։
© Գորշ
17 апр. 2024 г.
246/անտիպ
Պայմանավորված աշխարհընկալմամբ, բոլոր դեպքերում, երբ մենակության մեջ մարդն է, նա միշտ վկան է վեճի՝ աստծո և նեռի, գիտության և սնահավատության, բարու և չարի …, ու բոլոր դեպքերում, երբ ինքն է դառնում վեճի կողմ, դիմացը կանգնում է անասունը։
© Գորշ
8 апр. 2024 г.
4 апр. 2024 г.
244/անտիպ
Ճանաչել - յուրացնել - արարել՝ ինքզինքը։ Այն ամենը, ինչը սահմանում, դարձնում կամ պահում է մարդ, դեմ է գոյության այս միակ բարձրագույն ձևին։
© Գորշ
19 мар. 2024 г.
243/անտիպ
Իշխանությունը չարիք է, երբ իրական չէ (պայմանական է)։ Սա նաև նշանակում է, որ բարությունն ինքնիշխանության հատկանիշ է, դրա բովանդակության և չափի ցուցիչ է, իսկ իշխանության բարձրագույնը բարուց և չարից անդին է։
© Գորշ
15 мар. 2024 г.
14 мар. 2024 г.
11 мар. 2024 г.
239/անտիպ
Մարդուն կամքի ազատության մեջ տեսնելու համար` բավական է նկատել, որ նրա ընտրությունն իմաստավորված է սահմանափակվածությամբ։ Ասվածը նշանակում է, որ ցանկացած դեպքում, երբ մարդուն տրվի ընտրելու անսահմանություն, նա ինքնակամ է ապավինելու պատահականությանը` չկարողանալով կատարել ընտրություն։
Իսկ ինքնարարին կամքի ազատության մեջ տեսնելու համար` բավական է իմանալ, որ նրա ընտրությունը նույն պատահականությունն է ու այն անընդհատական և ամենուրական է։
238/անտիպ
Խոստովանում եմ, որ այն, ինչը բարձրաձայնվում է, չի կարող լինել բացարձակ ճշմարտություն, կարող է լինել այն գտնելու փորձ և, իբրև այդպիսին, անկեղծ։ Ու սա էլ, քանի որ չի լռեցվել, ավելին չէ, քան փորձը, բայց ավելին է, քան անկեղծությունը։
© Գորշ
7 мар. 2024 г.
237/անտիպ
Տեսնում են նրան, ում սիրում են (նաև այն, ինչ սիրում են), միայն։ Ճշմարտությամբ բացարձակ լինելուց զատ՝ սա այնքան ճշգրիտ է բացահայտում սիրո էությունն իբրև բարձր բանականություն, որ որպես հոմանիշ «Սիրում եմ քեզ»-ին՝ կարելի է կիրառել «Տեսնում եմ քեզ»-ը։
Իսկ «Սերը կույր է» սոփեստությունն այլ բան չէ, քան միջակի և ցածրի (ոչ բանական) սիրո ամփոփում։
© Գորշ
5 мар. 2024 г.
29 февр. 2024 г.
233/անտիպ
Պարզագույն ճշմարտություններից մեկն էլ այն է, որ մարդիկ, նախ, բաժանվում են երկու խմբի՝ դու և մնացած բոլորը, հետո միայն վերջինն ուրիշ այլերի։
© Գորշ
22 февр. 2024 г.
231/անտիպ
Նկատի ունենալով ամենի փոխկապակցությունը՝ յուրաքանչյուր ինքնասպանություն մահափորձ է ուրիշ(ներ)ի և հանցանք՝ գոյության դեմ, եթե չի արվել հանուն մեկ այլ գոյության, կամ ավելի բարձր արժեքի, քան գոյությունն է։
Ավելի խորը դիտարկման մեջ նույն կերպ կարելի է գնահատել ծուլությունը, անբանությունը, պորտաբուծությունը (…), իսկ դրանք կրողի (ինքնա)սպանությունը, ի տարբերություն այլի, համարել առաքինություն ուրիշ(ներ)ի և գոյության հանդեպ։
Ավելի խորը դիտարկման մեջ նույն կերպ կարելի է գնահատել ծուլությունը, անբանությունը, պորտաբուծությունը (…), իսկ դրանք կրողի (ինքնա)սպանությունը, ի տարբերություն այլի, համարել առաքինություն ուրիշ(ներ)ի և գոյության հանդեպ։
© Գորշ
19 февр. 2024 г.
230/անտիպ
Երբ տրվում է այն, ինչն անհրաժեշտ է և ոչ այն, ինչը ցանկանում ես, նշանակում է քեզ ուղղված արարչական սեր կա, իսկ եթե ընկալում ես սա կիրառելիության աստիճանի, գոյությանդ մեջ նաև արթմնություն կա, հետևաբար չկա ոչինչ՝ ինքնարարմանդ հակադրվող։
© Գորշ
229/անտիպ
Եթե դժոխք, ապա այնտեղ հատուկ տեղ ունեն նրանք, ովքեր սրբադասվել են կրոնի և բարոյականության կողմից։
© Գորշ
12 февр. 2024 г.
228/անտիպ
Սերունդներից ոչ մեկին տրված չէ, բայց ինչ-որ մեկին վիճակված է դառնալ վերջին մարդու վկան, քանզի երբ ինքնարարման այլընտրանքը մարդու՛ վկայությունն է գոյության վերջին։
© Գորշ
8 февр. 2024 г.
30 янв. 2024 г.
24 янв. 2024 г.
225/անտիպ
Ի տարբերություն մտքի իսպառ բացակայությամբ տգետի, որին կարող ես նմանեցնել բնության մեջ առկա որևէ անասունի և ունենալ համարժեք վերաբերմունք` ընդհուպ համակրանք, առավել անտանելի է ուրիշի մտքերով լցոնված տգետը։ «Գրքասեր» այս տականքը, ում հաճախ կարելի է տեսնել գիրքը ձեռքին, կոչված է փչացնելու մտքի բարձրը և տարածելու դրա միջակն ու ցածրը։
© Գորշ
19 янв. 2024 г.
224/անտիպ
Զոհը, հենց միայն այն բանի համար, որ զոհ է, չի կարող անմեղ լինել։ Բայց և անկախ սրանից էլ` երբ արդեն համարվել է զոհ, էլ ոչ մի նշանակություն չունի որոշելը` անմեղ է, թե մեղավոր։
© Գորշ
223/անտիպ
Արարիչները ծնվում են այնտեղ, որտեղ մահանում են աստվածները
Ինքնասուզման այն խորությունից, որտեղ վերջանում է նմանությունը մարդկանց, մեկնարկում է աստվածների թագավորությունը։ Աստվածների թագավորության վերջավոր լինելը տրված է ճանաչել նրան, ով ունակ է մերժել աստվածանմանության բոլոր գայթակղությունները՝ իր մեջ ոչնչացնելով մարդուն։ Ապա մեկնարկում է ինքնարարների տարածաժամանակային անընդհատությունը …
17 янв. 2024 г.
222/անտիպ
Սեփական գիտակցության հետ հնարավոր է միայն խորքային հաշտություն, իսկ մակերեսին այն անընդհատ ենթակա է միջավայրի (ուրիշի) ազդեցությանը՝ թեկուզ երբ կա միայն երկրորդը։ Հաշվի առնելով ուրիշի ազդեցության միջոցներն ու ծավալները, բոլոր այն դեպքերում, երբ չես գտնվում ինքնասուզման մեջ, առաջնահերթ հենց սեփական գիտակցությանդ պետք է վերաբերվես այնպիսի վերապահումով, ինչպիսին կարող ես ունենալ դաշնակցային առաջարկ անող թշնամուդ նկատմամբ։
Իսկ պարզելու համար, որ սեփական (մակերեսային) գիտակցությունդ կարող է լինել (ու կա) մեկ թշնամիդ, բավական է փորձել հրաժարվել որևէ վնասակար սովորությունից։
© Գորշ
221/անտիպ
Խորհուրդ, խրատ, կարծիք։ Նա, ով չափազանց հաճախ է ապավինում բարոյականության այս առաքյալներին, ի վերջո վերածվում է մտքի ինքնուրույնությունն իսպառ կորցրած պոռնիկի՝ պարզելով, որ ի դեմս առաքյալների՝ թույլ է տվել իր կյանք մտնել կավատների։
© Գորշ
12 янв. 2024 г.
220/անտիպ
Մարդիկ ավելի հեշտ են տանում սիրելիի մահվան լուրը, քան իմացությունը, որ անհետանալը նրա լավ լինելու գրավականն է(ր)։ Բոլոր բարեմաղթությունները վերծանելով հպարտության «լույսի» ներքո, չի պատահում մեկը, որ չհամարվի հայհոյանք։
© Գորշ
Подписаться на:
Сообщения (Atom)
Գորշի եռանկյուն
Խորհրդանիշ՝ Բարձրագույն Ես-ի, նույնն է՝ ինքնարարի, նույնն է՝ երրորդ մեկի։ Կազմված է հայերեն երեք «ի» տառերից, որոնք արտահայտում են ինքնաճանա...