«Ուրիշի ձեռքով ինքնասպանություն».

Հանկարծ որոշեց հենց այդ գիշեր զբոսնել, 

հանկարծ որոշեց երբևէ չեղած փողոցով քայլել 

ու հանկարծ չուզեց ամբոխը շրջանցել. 

ուզեց լսվող վեճին ականջ դնել: 

Վեճում հանկարծ զենք կրակեց 

ու «լուսնոտի» ճակատը ճեղքեց, 

արթմնությամբ տառապող գիտակցությունը մարեց (խաղաղվեց): 

Քննությամբ կատարվածն անզգուշաբար մահ որակվեց 

ու «մեղավորը» պատժի դատապարտվեց, 

բայց իրականում միայն նա գիտեր, 

որ մեղքն ու մեղավորը սխալ որոշվեց` 

անզգուշություն չէր դա, ոչ էլ` պատահականություն, 

դա կոչվում է` ուրիշի ձեռքով ինքնասպանություն:

© Տիգրան Գորշ / ԽԱՌՆԱՐԱՆ