© Գորշ
 |
| Գորշի եռանկյուն |
28 сент. 2022 г.
106/անտիպ
Դժբախտություն կա միայն այն բանի համար, որ կա երջանկության գոյության պատրանք։
25 сент. 2022 г.
105/անտիպ
Եթե արարչի, ապա միայն նրա ինքնախաբեությա՛ն արդյունքն է մարդը։
Ով իրենից դուրս է տեսնում իր ծագումը, չպետք է ունենա արարչին հանդիպելու այլ ձգտում, քան միայն հանգամանքում, որտեղ արարիչը խոստովանում է իր սխալն ինքնարարի առաջ, իսկ վերջինիս ոտքերի տակ փռված են կրոնների և մարդուն ինքն իրենից հեռացնող բոլոր հավատամքների լեշերը։ Իսկ ով իր մեջ է տեսնում իր ծագումը, չպետք է ունենա ինքնառերեսումից զատ այլ ձգտում` նույն հանգամանքում։
© Գորշ
18 сент. 2022 г.
104/անտիպ
Առավելապես, մարդը սոցիալական էակ է, երբ բնազդները բավարարված են, բնազդային քաղցում` նա անասուն է։ Քաղցից բավարարում միջակայքում մարդը սովորութային կենդանի է։ Թե որքան հարափոփոխ են քաղցն ու բավարարումը, ու թե ինչ հաճախականությամբ, դրանով էլ որոշվում է գիտակցության վրա ազդեցության հիմնական հանգամանքը և գտնվելու միջակայքը։
Ըստ այդմ, մարդ բանականը սովորութային (միջակ) արարած է, քանի դեռ չի (ինքնա)սահմանվել մարդ ինքնարար, ապա` ինքնարար։
© Գորշ
 |
| Գորշի եռանկյուն |
10 сент. 2022 г.
103/անտիպ
Ով չափազանց երկար է արժանանում ամբոխի հավանությանը, ի վերջո, դադարում է ջոկվել անասունից։
© Գորշ
2 сент. 2022 г.
102/անտիպ
- Բարև՛, նյութական աշխարհ։
- Բարև՛, հումուս։
- Բարև՛, հոգևոր աշխարհ։
- Բարև՛, ուրվական։
- Բարև՛, ես։
- Հազա՜ր բարի, ոչնչություն։
© Գորշ / անտիպ
 |
| Գորշի եռանկյուն |
Подписаться на:
Сообщения (Atom)
Գորշի եռանկյուն
Խորհրդանիշ՝ Բարձրագույն Ես-ի, նույնն է՝ ինքնարարի, նույնն է՝ երրորդ մեկի։ Կազմված է հայերեն երեք «ի» տառերից, որոնք արտահայտում են ինքնաճանա...
