© Գորշ
19 мар. 2024 г.
243/անտիպ
Իշխանությունը չարիք է, երբ իրական չէ (պայմանական է)։ Սա նաև նշանակում է, որ բարությունն ինքնիշխանության հատկանիշ է, դրա բովանդակության և չափի ցուցիչ է, իսկ իշխանության բարձրագույնը բարուց և չարից անդին է։
15 мар. 2024 г.
242/անտիպ
Գիտեմ՝ կա հաղորդակցության աստիճան, որտեղ բառը խավարամտության և մարդայնացման հատկանիշ է։
© Գորշ
14 мар. 2024 г.
11 мар. 2024 г.
239/անտիպ
Մարդուն կամքի ազատության մեջ տեսնելու համար` բավական է նկատել, որ նրա ընտրությունն իմաստավորված է սահմանափակվածությամբ։ Ասվածը նշանակում է, որ ցանկացած դեպքում, երբ մարդուն տրվի ընտրելու անսահմանություն, նա ինքնակամ է ապավինելու պատահականությանը` չկարողանալով կատարել ընտրություն։
Իսկ ինքնարարին կամքի ազատության մեջ տեսնելու համար` բավական է իմանալ, որ նրա ընտրությունը նույն պատահականությունն է ու այն անընդհատական և ամենուրական է։
© Գորշ
238/անտիպ
Խոստովանում եմ, որ այն, ինչը բարձրաձայնվում է, չի կարող լինել բացարձակ ճշմարտություն, կարող է լինել այն գտնելու փորձ և, իբրև այդպիսին, անկեղծ։ Ու սա էլ, քանի որ չի լռեցվել, ավելին չէ, քան փորձը, բայց ավելին է, քան անկեղծությունը։
© Գորշ
7 мар. 2024 г.
237/անտիպ
Տեսնում են նրան, ում սիրում են (նաև այն, ինչ սիրում են), միայն։ Ճշմարտությամբ բացարձակ լինելուց զատ՝ սա այնքան ճշգրիտ է բացահայտում սիրո էությունն իբրև բարձր բանականություն, որ որպես հոմանիշ «Սիրում եմ քեզ»-ին՝ կարելի է կիրառել «Տեսնում եմ քեզ»-ը։
Իսկ «Սերը կույր է» սոփեստությունն այլ բան չէ, քան միջակի և ցածրի (ոչ բանական) սիրո ամփոփում։
© Գորշ
5 мар. 2024 г.
234/անտիպ
Առհասարակ, վկաների բացակայությունը շատ բաներ է մեռցնում՝ ընդհուպ մարդուն ինքն իր մեջ։
© Գորշ
Подписаться на:
Сообщения (Atom)
Գորշի եռանկյուն
Խորհրդանիշ՝ Բարձրագույն Ես-ի, նույնն է՝ ինքնարարի, նույնն է՝ երրորդ մեկի։ Կազմված է հայերեն երեք «ի» տառերից, որոնք արտահայտում են ինքնաճանա...
